मुरबाड विधानसभा मतदारसंघात गृहमतदानाला सुरुवात..!

गौरव, शेलार / मुरबाड : ठाणे जिल्ह्यातील विधानसभा मतदारसंघात गृहमतदानास दि.9 नोव्हेंबर 2024 पासून सुरुवात झाली आहे. गेल्या तीन दिवसांत  विधानसभा  मतदारसंघात 85 वर्षावरील ज्येष्ठ नागरिक व दिव्यांग नागरिकांचे गृहमतदान पार पडले. या गृहमतदानात एकूण 746 नागरिकांनी गृहमतदानाच्या माध्यमातून मतदानाचा अधिकार बजावला.

मुरबाड विधानसभा मतदारसंघात सुद्धा गृह मतदानाला सुरुवात झाली असून 139 मुरबाड विधानसभा मतदारसंघात 85 वर्षावरील ज्येष्ठ नागरिक संख्या 58, असून दिव्यांग मतदार - 02 असल्याची माहिती मिळत आहे.या गृहमतदानास 85 वरील ज्येष्ठ मतदारांचा व दिव्यांग मतदारांचा उत्स्फूर्त प्रतिसाद मिळत असून जे मतदार मतदान केंद्रापर्यंत पोहोचू शकत नाही अशांसाठी भारत निवडणूक आयोगाने गृहमतदानाची सोय केल्याबद्दल अनेक ज्येष्ठ नागरिकांनी जिल्हाधिकारी तथा जिल्हा निवडणूक अधिकारी अशोक शिनगारे, तहसिलदार तथा सहाय्यक निवडणुक निर्णय अधिकारी अभिजीत देशमुख ,निवडणुक निर्णय अधिकारी अंजली कानडे पवार यांचे आभार व्यक्त केले आहेत.