मुरबाड विधानसभा मतदारसंघात 52% पर्यंत मतदान आमदार किसन कथोरे यांना विजयाची खात्री..!

नामदेव शेलार / मुरबाड :  मुरबाड विधानसभा मतदारसंघात भाजपाचे आमदार किसन कथोरे आणि शरदचंद्र पवार पक्षाचे सुभाष पवार यांच्यात अटीतटीची निवडणूक पार पडली.निवडणुकीत प्रत्येक उमेदवार विजयाची आशा धरतो मात्र आमदार किसन कथोरे यांनी बदलापूरच्या लीडसह मुरबाडच्या मताधिक्यावर विजयाचे सूतोवाच केले आहे.

मुरबाड विधानसभा मतदारसंघात चार लाख 70 हजार मताधिक्य होते त्यापैकी दोन लाख दहा हजार बदलापूर शहर 50 हजार अंबरनाथ पन्नास हजार पर्यंत कल्याण ग्रामीण तर मुरबाड तालुक्यात एक लाख 61 हजार मतदार संख्या आहे त्यापैकी 52% पर्यंत झालेल्या मतदानाची आकडेवारी दोन लाख 44 हजार एवढी अंदाजे असून त्यामध्ये एकूण 9 उमेदवार आहेत नोटा आहे खरी अटीतटीची लढत आमदार किसन कथोरे विरुद्ध सुभाष पवार यांच्यात झाली. 

एकूण मतदानापैकी इतर सात उमेदवार आणि नोटा यांना 20 हजारापर्यंत मतदान होण्याची शक्यता असून 2 लाख 20 हजारांमध्ये दोघा प्रतिस्पर्धी उमेदवारांची विभागणी होणार आहे.

अटीतटीच्या निवडणुकीत 2019 च्या निवडणुकीत झालेल्या मतदानाची संख्या 2 लाख मध्ये आमदार किसन कथोरे यांना 1 लाख 60 हजार तर प्रमोद हिंदुराव यांना 40,000मते इतरमते अपक्षांना मते पडली होती त्यानुसार आत्ताच्या निवडणुकीत दोन्हीही प्रतिस्पर्धी उमेदवारांना 2 लाख 20 हजार मतांमध्ये विभागणी होणार असून मागील विजय लीडचा स्पीड कमी होणार आहे.

मुरबाड आणि बदलापूर शहराचे स्पर्धक समीकरण असून विजयाचा शिल्पकार अंबरनाथ ग्रामीण किंवा कल्याण ग्रामीण हे मतदान केंद्र राहणार आहेत विजयाचा स्पीड 7 ते 14 हजार मताधिक्य असून जास्तीत जास्त स्पीड 25 हजारापर्यंत जाऊ शकतो असा युवा महाराष्ट्र न्यूज व ज्येष्ठ पत्रकार राजकीय विश्लेषक नामदेव शेलार यांनी व्यक्त केला आहे.अटीतटीच्या लढतीत दोघेही उमेदवार विजयाची अपेक्षा करत आहेत.