अंतरंग सुह्रधाम परिवार स्नेह मिलन २०२४ सोहळाचे आयोजन सोहळ्यला मुरबाड विभागाचे आमदार किशन कथोरे यांची उपस्थिती

बदलापूर : बदलापूर पश्चिम येथील दुबे बाग येथे दिनांक 16 नोव्हेंबर 2024 रोजी आयोजित अंतरंग सुह्रधाम परिवार स्नेह मिलन हा कार्यक्रम मोठ्या उत्साहात पार पडला. या विशेष सोहळ्याला माननीय मुरबाड विभागाचे आमदार किशनराव कथोरे साहेब प्रमुख पाहुणे म्हणून उपस्थित होते.कार्यक्रमाची सुरुवात स्नेहसंमेलनाचे उद्दिष्ट आणि बदलापूरच्या उज्ज्वल भविष्यासाठी एकत्रितपणे काम करण्याच्या प्रेरणेने झाली. किशनराव कथोरे साहेबांनी आपल्या भाषणातून जनतेसाठी मतदानाचे महत्त्व सांगितले आणि मुरबाड व बदलापूरच्या सर्वांगीण विकासासाठी आपली वचनबद्धता पुन्हा एकदा व्यक्त केली.

आमदारांनी बदलापूरकरांच्या भविष्यातील सुखसुविधांसाठी नव्या योजना आणि विकास प्रकल्प याविषयी माहिती दिली. त्यांनी स्थानिक पातळीवर रोजगार, शिक्षण, आरोग्यसेवा आणि पायाभूत सुविधांच्या विकासावर लक्ष केंद्रित करण्याचे आश्वासन दिले.यावेळी मतदान हा लोकशाहीचा सर्वात महत्त्वाचा आधारस्तंभ आहे, हे लक्षात घेत त्यांनी सर्व उपस्थितांना आगामी निवडणुकीत सक्रिय सहभाग घेण्याचे आवाहन केले. तसेच, जनतेसाठी नेहमीच उपलब्ध राहून सहकार्य करण्याची आणि त्यांच्या मागे उभे राहण्याची ग्वाही दिली.

 

कार्यक्रमाच्या शेवटी, सर्व सहभागी नागरिकांनी एकत्रितपणे मुरबाड आणि बदलापूरच्या प्रगतीसाठी कटिबद्ध राहण्याचा संकल्प केला. या स्नेह मिलनाने जनतेला एक नवी ऊर्जा, विश्वास आणि आशावाद दिला.अंतरंग सुह्रधाम परिवार स्नेह मिलन २०२४ हा कार्यक्रम बदलापूरच्या विकासाच्या दिशेने एक महत्त्वपूर्ण पाऊल ठरला आहे.